主页 > 技术互联 >纸碟:本地翻译元素印象分无限提升《Resident Evil >

纸碟:本地翻译元素印象分无限提升《Resident Evil
2020-07-29

纸碟:本地翻译元素印象分无限提升《Resident Evil

笔者自问虽未至于係胆生毛,但亦称不上係细胆之人,闲来玩恐怖游戏从来都受挑戢嘅感觉,反而更多时候觉得搞笑。不过今次玩《Resident Evil 7》竟然会令我出现放低手掣走人的冲动,恐怖程度绝不简单!加上今集仲可以用PSVR玩,临场恐怖感更加大幅提升,但惊还惊,玩落其实好正。

恐惧源自写实环境

以前《Resident Evil》系列不时都会以现实地点改作蓝本,并作为故事发生的背景。今集就取景自美国路易斯安那州,带有外国乡郊住宅气息。因为笔者曾经喺外国生活过一小段时间,可以好肯定「外国啲屋真係咁嘅样」,简单而言就是将一个四方形切割成数个空间,之间以狭长走廊连接,就算现实中亦会对未习惯嘅人造成压迫及不安感,《Resident Evil 7》可以话将呢份不安无成功地限放大,特别是家俱摆设、走过地板时发出的怪声、以及会迴响于屋内的水管与碰撞声,引出了藏于生活细节的不安感!只是在大荧幕玩已经令人不寒而慄,一旦戴上VR就连拧转头都会「淆」,有时真係会吓到Hi出嚟!

纸碟:本地翻译元素印象分无限提升《Resident Evil

◆ 你走呀!我唔想同你打茄轮呀!

纸碟:本地翻译元素印象分无限提升《Resident Evil

◆ 阿老豆成日有咁埋走咁埋,我已经唔想再见到佢个样……

纸碟:本地翻译元素印象分无限提升《Resident Evil

◆ 今集地图好有《RE1》嘅感觉。

敌人设计完全迴异

或者好多人都已经知道游戏嘅敌人并不只有不死怪人「老豆」同「阿婆」,仲有一大堆不知名的古怪生物,初见感觉似係《~启示录》嘅翻版,「丧尸游戏」感觉减弱不少,不过亦因此令敌人嘅动作及战斗方法有更多变化。部份敌人嘅攻击可以透过踎低之类嘅方式避过,而且当游戏难度设定得较高嘅时候,呢招更加变成重要嘅技巧之一。顺带一提,第一次玩或对第一身游戏不太擅长嘅朋友,最好都係先从容易开始,否则即使係初期嘅敌人亦可以两三下就能解决你!

为VR度身订造!

之前笔者都玩过唔少支援VR,或声称以VR游玩为开发主调嘅游戏,不过今次《Resident Evil 7》先係第一次真正令笔者觉得「只Game係为VR而整」。先唔讲第一身视点嘅设定优势,如果你有试过用VR进入游戏,就会发现从标题画面已经完全不一样,所有嘢都係以立体显示,就连介面都会为VR重新调整,例如子弹介面显示的位置会由左下变成瞄準方向的右方,感觉贴心又时尚。另外好重要嘅一点,就係用VR装置玩嘅时候,用视点瞄準比起用手掣来得準确方便,同时亦冇咁易失去攻击目标,尤其要用近战武器时更加係无往而不利!

晕,真係好晕!

本作VR对应程度之高得可以完全带玩家进入Bio世界,不过同时令VR装置另一个尚未解决嘅问题——「头晕」变得更加严重。当你于狭窄的空间来回走动,特别係要用到手掣调整视点,头晕程度比《Until Dawn: Rush of Blood》高出好几倍!如果你有幸同不知名怪物嚟个亲密接触,于极近距离泣泣扬扬莫讲要打中特定部位,就连自己眼前係乜嘢都完全分不清,只见一堆纹理郁嚟郁去,再加上大量嘅动态、焦点模糊,真係会令人「晕多两钱重」。以笔者自己打打《Until Dawn: Rush of Blood》大约可支持30分,打《Resident Evil 7》每隔十五分钟就要稍事休息,各位可自行斟酌。

纸碟:本地翻译元素印象分无限提升《Resident Evil

◆ 呢只野真係好样衰,仲要识扭身避子弹。

纸碟:本地翻译元素印象分无限提升《Resident Evil

◆ 今次药草沟药水劲神奇,淋两野就连断脚都医到!

纸碟:本地翻译元素印象分无限提升《Resident Evil

◆ 唔够打时关门走人都係一个做法,唔係只只都识开门!

纸碟:本地翻译元素印象分无限提升《Resident Evil

◆ 不过都有例外……

中文翻译有诚意

早期有关方面就已经公布游戏会有繁体中文版,呢样已经唔算係咩新消息,但过瘾在今次翻译字幕甚有「香港味」!例如游戏开始冇耐,遇上副警长要求拎枪不果,对方只係畀返一把刀仔你嘅时候,就情不自禁就讲咗一句「小李老母飞刀」;又例如中段打完不停复活嘅BOSS时,亦极真性情咁爆出一句「死撚左就别动了,好吗」,当中那份本土味、那份感动,有如滔滔江水……即使係奖盃嘅名称,今次亦显得颇有诚意绝非「HEA译」,例如「庭园深深深几许」、「装,都装,都给我装」等等,印象分即时无限提升!

纸碟:本地翻译元素印象分无限提升《Resident Evil

◆ 话晒兵器谱排行第一,好过畀支枪仔你啦!

纸碟:本地翻译元素印象分无限提升《Resident Evil

◆ 到底係边个天才做翻译?

特别版书仔粉丝必备!

好多游戏特别版会附送记念小册子、游戏资料集等嘅精品,而今次送出嘅则係足本开发人员访谈,内容涵盖企划到製作完成,就算已经爆咗机,亦可以从中暸解到更多游戏製作背后嘅大小事,如果你係锺意探究游戏製作嘅忠实玩家,呢本书仔比起常见嘅资料设定集更值得收藏!

纸碟:本地翻译元素印象分无限提升《Resident Evil

◆ 特别版会附送多本书仔。

纸碟:本地翻译元素印象分无限提升《Resident Evil

◆ 插图唔多但内容足料,最啱想睇Making of嘅人。

RE ENGINE灵巧而实在

今次画面处理上Bio用咗全新嘅引擎开发,但若果有留意游戏画面,或者已经亲身玩过,唔难发现游戏嘅贴图同材质睇上去并冇话精细咗好多,笔者认为咁係因为新引擎将游戏素材整合统一处理,但环境变化同光线质感表现上就强化咗好多,所以即使冇大幅度提升贴图解像,也能令场景及人物更具现实质感,同时又不会拖慢读取速度,某程度上正好适合VR装置。试想像如果图像太精细,喺VR头罩下只会令双眼负担更大,进一步加剧晕眩感觉。总括而言,今集《Resident Evil》终于再次刺激到玩家的恐怖心理,分分钟玩到自己吓自己,解谜份量亦有相当水準,唯故事上与整个Bio系列嘅关连性唔高,其实当成另一只新作亦无妨。

纸碟:本地翻译元素印象分无限提升《Resident Evil纸碟:本地翻译元素印象分无限提升《Resident Evil纸碟:本地翻译元素印象分无限提升《Resident Evil纸碟:本地翻译元素印象分无限提升《Resident Evil


上一篇:
下一篇: