《一呜惊人 让世界懂得他名字
2020-05-27

《原创文章 欢迎转载 请列明出处 谢谢》-请支持蓝狮 Facebook专页-《一呜惊人 让世界懂得他名字 按此观看图片 .图片来源 : worldabcnews Worldabcnews嚟到欧霸盃第三回合嘅赛事,车路士喺主场迎战巴迪,同组对手实力其实同蓝军有一段差距,不过前两回合都只係小胜或者险胜对手,今场终于一吐为快连入三球大胜,而哩三个入波都係由路夫斯捷克一手包办,亦係继杜奥巴后再有车路士球员喺欧战上「戴帽」,沙利係咪应该再比多啲机会佢呢?路夫斯捷克外号「龙虎切」,8岁就加入车路士青训体系,同一期嘅队友有苏兰基、艾巴咸、查路巴同艾基等人,可以话係近年嚟质素最高嘅一届青训,路夫斯捷克除左脚法了得之外,控球同护球能力都好强,再加上天生拥有高达1米91嘅身高,而且能够单人匹马带波推进好一段距离,喺佢充分利用自己嘅先天优势以及足球天赋下,经已为车路士各青训梯队冲击一项接一项嘅青年冠军,屡获殊荣,亦一步步为穿上车路士一队球衣上阵而铺路。喺当时仲係车路士领队嘅摩连奴手下,路夫斯捷克终于得到了首次为一队上阵嘅机会,以后备身份入替法比加斯,更加係喺欧联分组赛完成佢嘅处子战,当时打中场中嘅影子有啲似以前嘅波历克,而表现亦相当受外界注目。由于当时蓝军中场人手捉襟见肘,葡萄牙主帅好快将路夫斯捷克提升至一队效力及参与集训,亦开始喺各项赛事得到一个又一个嘅上阵机会。而上任教头干地将佢嘅定位由中场改为翼锋(影子前锋),喺边路上学得夏萨特似模似样,似乎同时能够担任中场同翼锋将会係佢将来留喺车路士嘅最大优势,亦係令唔少蓝军球迷感到惊喜。但其实哩位英格兰新星并非毫无缺点,无论摩连奴定係干地都有批评过佢懒于跑动,经常等波到欠缺积极性,而上季被外借到水晶宫后喺哩方面的确有稍作改善。喺沉晚果三个入球都见到路夫斯捷克係一啲远射同门前把握力都相当唔错,相信今场嘅表现会提升沙利对派佢上场嘅信心,不过喺同样位置上亦有巴克利、高华锡作竞争,如果继续得唔到上阵机会,唔排除「龙虎切」会再一次以外借形式离开史丹福桥。文章最后更新时间 : 26/10/2018 14:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


上一篇:
下一篇: