纸碟:个人技术高于一切《Horizon Zero Dawn》
2020-07-29

纸碟:个人技术高于一切《Horizon Zero Dawn》

二、三月可谓大作连连,先后有《机战V》、《三国志13加强版》、《荣耀战魂》等,不过大家同时亦唔好忘记仲有《Horizon: Zero Dawn》!无论概念定係完成度都相当高,锺意对抗大型机械、狩猎同埋开放式世界嘅朋友肯定唔可以错过!

具可能性嘅未来设定

「未来」,係常见嘅游戏设定。《Horizon: Zero Dawn》将世界设定于一个较远嘅未来,人类高科技机械世界于未知原因下灭亡,剩低各种以生物为原型嘅机械兽横行地上。倖存嘅人类则分成各个细小部落,有着各自嘅政策,有啲会对「远古」科技敬而远之;亦有啲积极发掘及利用。主角亚罗依就生于一个相对封闭嘅部落,并为咗探索过去嘅秘密同埋自己嘅身世而四出游历。

巨大机械之迫力

首先一定要讲嘅当然係游戏内各种强大嘅机械兽,佢哋各自有弱点同对应方法,而就算是同一款机械兽亦会因为燃料等细緻嘅地方而有别,「兽猎」前準备相当重要。就算是最弱嘅「守望者」体积都有人类等身咁高,而巨大嘅敌人甚至有大货车嘅高度。酷似生物嘅凝视动作,加上体型嘅差距,可以令玩家充份感受到机械嘅迫力。另外,机设亦係值得玩家留意嘅部份,当中唔少地以现有生物作原型,再加入机械属性,有如「索斯机械兽」一样。

生存难度意外高!

笔者以预设的中等难度开始,随即就发现游戏难度并唔低,巨大机械兽只需要两击就可以致玩家于死地,被击中仲要冇无敌时间等你畀反应,有种久违嘅生存实感。早期防具就算点换都唔会有好大分别,稍一不留神好易就陷入险境,平日拾到嘅草药都只係杯水车薪。想有效对付强大的机械兽,对目标嘅暸解、弹药嘅準备、陷阱嘅放置等等缺一不可!

探索原生机械之森

开放式世界并唔怕大,最怕係大而无当,但本作喺呢方面处理得算不错。Guerrilla Games努力建立游戏中嘅机械兽生态,你会发现牠们有地盘意识同活动模式,但同时又有一定嘅随机性,唔一定每次都会採取同样嘅行动。生态圈密度充足之余,游戏中不乏各种科技遗迹、需要解放嘅区域等,若果想要全清地图需花上不少嘅时间。此外玩家亦需要时间收集合成用嘅各种道具,採集点遍布全地图,反而会多到不想执!

技术与準备大于一切!

一如其他动作Game,玩家可以透过购买同升级装备嚟提升角色实力,不过笔者觉得只係好过冇,实际差距唔太大,事实上游戏唔少地方都挑战着玩家个人技术同埋有冇做足準备。敌人攻击导向能力好高,如果你只向一个方向兜圈,会好易被击中,需要不时走「S」路线或者急转回头、滑刬先可以避开巨大机械兽嘅攻击。另外提示间隔亦好短,反击定係避开需要即时作出决定!可唔可以喺战斗中击中对方弱点,利用陷阱造出空挡,同埋以奇袭方式开场都係战胜敌人嘅必备元素。

PS4 Pro用家必玩!

本作另一大卖点係支援4k画质,绝对讲得上係PS4 Pro用家用嚟「看门口」嘅作品,2160p画质就等同将CG影片拎去畀游戏用一样,而讲到流畅就新旧PS4都完全冇问题。另外金属同埋大自然嘅质感反差充份表现到之余,游戏对光影的调校亦非常细緻,值得玩家慢慢品嚐。不过当然玩家亦要有一部大电视先可以感受到当中嘅。最后一提,本作同《Uncharted 4》一样内置拍摄模式,可加上各种滤镜及调整角度时间,以机械兽为背景拍真係别有一番风味!

纸碟:个人技术高于一切《Horizon Zero Dawn》

◆ 游戏开始就说明:机械的力量不能看小,会送命的

纸碟:个人技术高于一切《Horizon Zero Dawn》

◆ 攀爬部份有但唔多

纸碟:个人技术高于一切《Horizon Zero Dawn》

◆ 内置拍照模式相当实用

纸碟:个人技术高于一切《Horizon Zero Dawn》

◆ 同一时间对付两只大型机械非常困难,笔者自问身手唔错都要重玩两次

纸碟:个人技术高于一切《Horizon Zero Dawn》

◆ 有时需要对付人类敌人

纸碟:个人技术高于一切《Horizon Zero Dawn》

◆ 游戏开始一段时间后解开Hack功能就可以控制部份机械生物

纸碟:个人技术高于一切《Horizon Zero Dawn》

◆ 玩家嘅反应同瞄準力非常非常重要

纸碟:个人技术高于一切《Horizon Zero Dawn》

◆ 地图大小适中,唔会有太多多余空间

纸碟:个人技术高于一切《Horizon Zero Dawn》

◆ 技能作用未至于强大到可以无视玩家本身技术

纸碟:个人技术高于一切《Horizon Zero Dawn》

◆ 人物面部做得唔错,但表情变化唔多

纸碟:个人技术高于一切《Horizon Zero Dawn》

◆ 个人认为会飞嘅嘢最难搞

机种:PS4

发售日期:

人数:1人


上一篇:
下一篇: